POP 5

Lajmet më të lexuara të 5 minutave të fundit

Bota

Arrestohen bashkëpunëtorët e bosit të mafies siçiliane, e pritën në shtëpi për dreka dhe darka! Kontrollonin rrugën që askush të mos vinte re lëvizjet

Bashkëpunëtorët e bosit të mafies siçiliane, Matteo Messina Denaro janë arrestuar në Itali. Emanuele Bonafede, nipi i Leonardo Bonafede dhe gruaja e tij Lorena Ninfa Lanceri përfunduan në burg me akuzën e ndihmës ndaj të shumëkërkuarit. Ata pritën kumbarin për dreka e darka.

Arrestohen bashkëpunëtorët e bosit të mafies siçiliane, e pritën në shtëpi për dreka dhe darka! Kontrollonin rrugën që askush të mos vinte re lëvizjet

Lorena Lanceri duke bërë kontrollin e rrugës

Bashkëpunëtorët e bosit të mafies siçiliane, Matteo Messina Denaro janë arrestuar në Itali. Emanuele Bonafede, nipi i Leonardo Bonafede dhe gruaja e tij Lorena Ninfa Lanceri përfunduan në burg me akuzën e ndihmës ndaj të shumëkërkuarit. Ata pritën kumbarin për dreka e darka.

Sipas hetuesve, çifti priste Messina Denaron në shtëpinë e tyre në Campobello di Mazara "në mënyrë të vazhdueshme dhe për disa ditë". Ai kalonte orë të tëra me ta dhe lëvizte i pashqetësuar se ishte shpallur në kërkim.

Bonafede dhe gruaja e tij vëzhgonin me kujdes rrugën duke u siguruar që askush s’do vinte re lëvizjet derisa bosi i mafies të largohej. Hetuesiti kanë mësuar detajet nga kamerat e disa dyqaneve pranë shtëpisë së çiftit.

Lorena Lanceri ishte shumë e afërt me Messina Denaron, aq sa ajo menaxhonte komunikimet me një sërë personash veçanërisht të dashur për të. Këtë rol në rrjetin e bashkëpunëtorëve e luanin vetëm ata që gëzonin besimin absolut të kumbarit. Me arrestimin e çiftit, mbështetësit e Messina Denaro që përfunduan në burg kanë shkuar në gjashtë (6). 

Të njëjtin fat si çifti pati Andrea Bonafede, topografi i cili i dha hua identitetin e tij bosit mafioz për ta lejuar atë të bënte terapi onkologjike dhe të bënte blerje e të lëvizte i lirë.

Shoferi që e shoqëronte gjithë kohës është shpallur në kërkim.

Kumbari i mafies siçiliane ra në pranga më 16 janar. Kapja e tij është historike pasi policisë italiane iu deshën plot 30 vite për të rënë në gjurmët e tij. E veçanta e arrestimit të tij është se përkon me të njëjtën datë me kapjen e Toto Riinës, gjithashtu 3 dekada më parë. Matteo Messina Denaro, zëvendësuesi i Toto Riinës, autor i mijëra masakrave, u gjet në një klinikë private në Palermo, ku kurohej nga tumori.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit