POP 5

Lajmet më të lexuara të 5 minutave të fundit

Ekonomi

Bankat, pro vënies së tavanit për interesat e kredive! Propozimi u bë nga BSH pas abuzimeve nga shoqëritë jo-banka

Bankat e nivelit të dytë në vend janë shprehur pro ndryshimit që propozon Banka e Shqipërisë për vendosjen e një tavani për normat e interesit për kreditë konsumatore. Sipas një njoftimi të shoqatës së Bankave ky është një vendim që mbron interesat e publikut dhe rrit më tej transparencën.

Bankat, pro vënies së tavanit për interesat e kredive! Propozimi u bë nga BSH pas abuzimeve nga shoqëritë jo-banka

Banka e Shqipërisë

Bankat e nivelit të dytë në vend janë shprehur pro ndryshimit që propozon Banka e Shqipërisë për vendosjen e një tavani për normat e interesit për kreditë konsumatore. Sipas një njoftimi të shoqatës së Bankave ky është një vendim që mbron interesat e publikut dhe rrit më tej transparencën.

Ndryshimi i rregullores “Për kredinë konsumatore dhe kredinë hipotekare” sipas shoqatës është mirëpritur nga bankat pasi rrit stabilitetin financiar në vend. 

“Shoqata Shqiptare e Bankave (AAB) është njohur me projekt-vendimin për ndryshimet në rregulloren e Bankës së Shqipërisë nr. 48, datë 01.07.2015 “Për kredinë konsumatore dhe kredinë hipotekare” dhe vlerëson se këto ndryshime janë të mirëpritura. Bazuar në zhvillimet e tregut financiar në vend, në transparencën, mbrojtjen e interesave të publikut, praktikat më të mira edhe në vende të tjera të zhvilluara, si dhe në kujdesin e shtuar për stabilitetin financiar të vendit, AAB mbështet iniciativën e Bankës së Shqipërisë dhe shpreh vullnetin e saj të plotë për të bashkëpunuar për përmirësimin e hartimit të projekt vendimit. Diskutimi i konsultimit tashmë i filluar me industrinë bankare është pozitiv, plotësisht në mbështetje dhe i shëndetshëm për forcimin e praktikave më të mira në procesin e huadhënies”, thuhet në reagimin e shoqatës së Bankave.

Banka qendrore ka propozuar që për kreditë të vendosen 3 tavane për normat e interesit, në varësi të vlerës së kredisë. Edhe pse në rregullore thuhet që ky vendim do të aplikohet edhe për bankat, dhe jo vetëm për institucione jo-financiare, njohësit e këtij sektori thonë se abuzimet më të mëdha me normat e interesit janë konstatuar tek shoqëritë jo-banka.

Ky ndryshim është propozuar për shkak të normave të interesit deri në abuzimeve që janë regjistruar në disa raste kur është marrë kredi në institucionet jo-banka.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit