Dita e dytë e përgatitjeve për Poloninë, Gjimshiti dhe Gjasula: E dimë vështirësinë, por pretendojmë fitoren

E hëna, që korespondon të jetë tre ditë para ndeshjes me Poloninë, ka nisur me një lajm shumë pozitiv për kombëtaren. FSHF dhe Nedim Bajrami kanë fituar gjyqin në CAS ndaj FIFA-s, që futbollisti i Empolit të veshë fanellën kuqezi dhe shumë shpejt pritet të jetë i grumbulluar në Varshavë me Kombëtaren. Bajrami, që më herët ka qenë pjesë e ekipve të moshave të Zvicrës, shquhet për aftësitë në fazën e sulmit dhe pritet të jenë një ndihmë e vyer për 3 ndeshjet e rëndësishme për kualifikueset e Botërorit.

E para është të enjten kundër Polonisë, kundërshtarit më të fortë në grup pas Anglisë, për të cilën mbrojtësi Gjimshiti dhe mesfushori Gjasula janë optimistë se do ta përballojmë me sukses.

Berat Gjimshiti: “Besoj se kemi bërë hapa pozitivë. Duhet të kemi respekt, pasi ka një skuadër shumë të mirë, me lojtarë që luajnë në klubet më të mira në botë. Por duhet të shikojmë veten, si do luajmë ne dhe do të japim maksimumin për të fituar ndeshjen”

Klaus Gjasula: “Është një ekip me shumë eksperiencë dhe cilësi. Pa diskutim, edhe Gjimshiti e tha që kanë lojtarë që luajnë në ekipet më të mira në botë. Do të kemi respekt përballë kundërshtarit, por frikë asnjëherë. Po të japim ne maksimumin dhe secili të tregojë cilësitë e tij, besoj se i kemi të gjitha mundësitë.”

Sot është dita e dytë e Kombëtares në Varshavë, ndërsa trajneri Reja ka zgjedhur të mos i ngarkojë fizikisht, duke u ushtruar vetëm me një seancë në ditë.

TAG:
• kombetarja
• berat gjimshiti
• klaus gjasula
• Nedim Bajrami

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë