POP 5

Lajmet më të lexuara të 5 minutave të fundit

Kronikë

E konfirmojnë edhe analizat, personi që u gjet i djegur në Fushë Krujë është Xhafer Osmani

Tashmë nuk ka më dyshime, pasi edhe zyrtarisht konfirmohet nga analizat e ADN-së se personi që u gjet i djegur në makinë në Fushë Krujë pak ditë më parë është Xhafer Osmani nga Mitrovica e Kosovës.
E konfirmojnë edhe analizat, personi që u gjet i djegur në Fushë Krujë është Xhafer Osmani

Ekspertiza e ADN, ka konfirmuar se trupi i djegur brenda në makinë që u gjet në fshatin Derven të Fushë-Krujës, i përket kosovarit Xhafer Osmani. Ekspertiza është mbështetur në krahasimin e profilit gjenetik të vëllait të viktimës dhe mostrave të mara në trupin e djegur të 61-vjeçarit Xhafer Osmani. ADN, ka konfirmuar se viktima është Xhafer Osmani, dhe se pas kësaj përgjigje familjarët e tij të ardhur nga Kosova kanë tërhequr trupin nga morgu i spitalit të Tiranës, me qëllim zhvillimin e ceremonisë mortore në Kosovë.

Familjarët ende s’kishin tërhequr trupin nga morgu, pasi kishin dyshimet e tyre se viktima e gjendur brenda në makinën e djegur mund të mos ishte Xhafer Osmani. Pritet që në ditët në vijim, prokuroria e Krujës të njihet dhe me aktin e ekspertimit mjeko-ligjor, ku ekspertët do të japin konkluzionin përfundimtar mbi shkaqet e vdekjes së 61-vjeçarit kosovar Xhafer Osmanit.

Shqiptari nga Kosova u gjet i djegur në makinë në datë 5 maj, ndërsa në komunikimin e fundit që kishte pasur me të afërmit, i kishte njoftuar se do të ikte në Shqipëri, pasi kishte punë. Ai u fut në Shqipëri në datë 29 Prill, ndërsa në datë 5 maj u gjet i djegur brenda në makinë. Policia shoqëroi disa persona pas ngjarjes, ndërsa deri tani vetëm njëri është i arrestuar. Policia është duke hetuar në disa pista.

“Shqiptarja.com” mëson se pas kësaj ngjarje fshihet një histori intime, pasi viktima Xhafer Osmani ka pasur një lidhje me një grua në Kosovë, e cila ka qenë e martuar me dikë tjetër. Një burim nga policia i tha “Shqiptarja.com” se në dijeni të kësaj lidhje të fshehtë ka qenë burri i saj, i cili ka vendosur ta refuzojë gruan e tij.


Vendi ku u gjet makina e djegur ne Fushe Kruje

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit