POP 5

Lajmet më të lexuara të 5 minutave të fundit

Kronikë

Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit

Katër drejtorë të rinj të Policisë në Fier, Vlorë, Gjirokastër dhe Berat morën sot detyrën. Ministri i Brendshëm Ervin Hoxha dhe Drejtori i Përgjithshëm i Policisë, Ilir Proda, i prezantuan në takime me struktura policore, autoritete vendore, drejtues të prokurorive dhe agjencive ligjzbatuese. Në Berat Luigj Vathi zëvendësoi Kastriot Skënderajn, ministri Hoxha kërkon luftë ndaj krimit ekonomik, informalitetit dhe siguri për turizmin

Berat- Ministri i Brendshëm Ervin Hoxha dhe kryepolici Ilir Proda, po prezantojnë në qarqe edhe drejtorët e rinj të policive që përzgjedhur nga faza konkurruese e fundit e zhvilluar në bazë të ligjit të ri për Policinë e Shtetit.

4 drejtorë të rinj të Policisë në Fier, Vlorë, Gjirokastër dhe Berat morën detyrën. Ministri i Brendshëm Ervin Hoxha dhe Drejtori i Përgjithshëm i Policisë Ilir Proda i prezantuan ata, në takime me struktura policore, autoritete vendore, drejtues të prokurorive apo agjencive ligjzbatuese.

Sot pasdite, (17 Nëntor), në Berat u prezantua Luigj Vathi, që do zëvendësojë Kastriot Skënderajn. Hoxha vlerësoi ish-drejtorin për parametrat e larta të sigurisë në këtë qark dhe deklaroi prioritetet e mëtejshme të bluve të Beratit.

Prezantimi i drejtuesit të ri të DVP-së Berat Luigj Vathi është kryer në ambientet e kësaj drejtorie, në prani të drejtuesve të çdo sektori dhe përfaqësuesve të pushtetit vendor. 

Gazetarja e Report TV, Mimoza Sinanaj, informon se ministri ka theksuar gjatë prezantimit se siguria publike dhe lufta kundër krimit, në veçanti krimit ekonomik dhe informalitetit, do të jenë prioritetet e DVP-së Berat dhe jo vetëm.

Ai ka deklaruar se “roli i policisë në qarkun e Beratit ka qenë i shumëfishtë dhe kjo duket qartë edhe në parametrat e larta të sigurisë në këtë qark”.

“Detyra e policisë-ka thënë Hoxha-është të garantojë sigurinë për qytetarët dhe për turistët, të mbështesë rritjen ekonomike por edhe të ruajë trashëgiminë e vyer që ky qytet përfaqëson, të paprekur nga dëshira që ngrihen vetëm mbi përfitimin personal”, është shprehur Hoxha ndër të tjera.

Luigj Vathi vjen nga Drejtoria e Policisë së Tiranës, ku ishte zv/drejtor dhe prej ditës së sotme (e diel) ai do të jetë në krye të DVP-Berat.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bert: 20/11/2024 01:17

    Nje eksperiment te thjeshte beni: peshoni ministrin dhe drejtorin e tij qyp me nam para dhe pas "prezantimeve"!!! Minimumi shtese deri ne 7 kile. Nga te ngrenat e te pirat! Balla pak kohe me pare njesoj iu trash qafa e gjuha, Lleshit e syllesheve paraardhes. Pocaqi zyrtare.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit