POP 5

Lajmet më të lexuara të 5 minutave të fundit

Sociale

Familja Mamoçi në kushte të vështira ekonomike, kryefamiljarja që vuan nga kanceri në gji apelon për ndihmë: S’kam shtëpi

Familja Mamoçi në Fushë-Krujë jeton në kushte të vështira ekonomike, ndërsa shtëpinë e rrënoi tërmeti. Kryefamiljarja që vuan nga kanceri në gji apelon për ndihmë përmes Report TV.

Në këtë banesë të rrënuar jetojnë tre anëtarët e familjes Mamoçi në fshatin Gjolë të Fushë-Krujës. Lije Mamoçi na tregon se është operuar dy vite më parë nga kanceri në gjoks dhe vazhdon të marrë mjekim.

“Më doli gjëndër, shkova bëra mamografinë dhe doli më e zmadhuar. Jam bërë operacion”.

I biri, 30 vjeç vuan nga probleme mendore dhe nuk është në gjendje të punojë, përpos ndihmës që i jep nënës për punët e shtëpisë. Po kështu i papunë është dhe i shoqi. Të ardhurat e kësaj familje janë vetëm nga pensioni i invaliditetit me vlerë 20 mijë lek në muaj.

“Djali është invalid se ka kaluar meningitin, burrin e kam pa punë, 200 mijë lek pension marrim dhe 20 mijë (të vjetra) ndihmë ekonomike (të vjetra).

Shtëpia është dëmtuar nga tërmeti i 26 nëntorit 2019 dhe  vlerësuar pjesërisht e banueshme. Për dy dhomat e shtëpisë që nuk kishin dëmtime në strukturë, nga fondi i Rindërtimit familja Mamaçi ka përfituar 500 mijë lek. Lije Mamaçi tregon se këto para nuk i ka përdorur për rikonstruksionin e banesës por për tu kuruar nga kanceri.

“Ku të jetojmë këtu ne?! Flemë çdo natë me siklet se mos shembet shtëpia. Na dhanë 5 milionë lek (të vjetra) po ca të bëjmë me to, unë jam e sëmurë, I kam harxhuar për sëmundje”.

Përmes mikrofonit të Report TV, Lije Mamaçi apelon për ndihmë. Ajo kërkon nga bashkia e Krujës apo organizatat e bamirësisë t’i ndërtojnë një shtëpi të re.

“Unë dua vetëm shtëpi”, përfundon ajo.

Gjithkush që dëshiron ta ndihmojë familjen Mamoçi, mund ta kontaktojë në këtë numër 0682896424.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasan Pordha: 28/01/2023 21:14

    Ska shteti para sepse i duhen per udhetimet e pushtetareve dhe per fjetjet e tyre ne hotelet me luksoze

    Përgjigju
    • elona: 29/01/2023 10:59

      burri nuk sqarohet perse pa pune apo nuk ka deshire te punoje.Me kancer ne gjoks pas operacionit nese je ne gjendje te mire asnje stet nuk te jep pension apo ndihme.Pra kjo grua duhet te ishte ne pune dhe bashkeshorti po ashtu.Se jane dembeler e jetojne ne keto kushte sjua ka fajin kush

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit