POP 5

Lajmet më të lexuara të 5 minutave të fundit

Kronikë

Favore seksuale në këmbim të tenderit për qentë, Gjykata e Lartë rrëzon Alma Kaçin

Gjykata e Lartë rrëzon Alma Kaçin për ndryshimin e masës së sigurisë.  Ajo do të vijojë të gjykohet nën masën e sigurisë arrest shtëpie.

Favore seksuale në këmbim të tenderit për qentë, Gjykata e Lartë rrëzon Alma Kaçin

Alma Kaçi

Gjykata e Lartë rrëzon Alma Kaçin për ndryshimin e masës së sigurisë.  Ajo do të vijojë të gjykohet nën masën e sigurisë arrest shtëpie.

Më 25 nëntor Prokuroria e Posaçme iu drejtua  me kërkesë Gjykatës së Posaçme të Shkallës së Parë për Korrupsionin dhe Krimin e Organizuar, për dërgimin e çështjes në gjyq, në ngarkim të ish kryebashkiakut të Kukësit Safet Gjici dhe Alma Kaçit.

Në përfundim të hetimeve paraprake të këtij procedimi penal, janë përfituar prova dhe të dhëna nga analizimi i të cilave ka rezultuar se e pandehura Alma Kaçi, është personi që i ka ofruar/dhënë përfitime të parregullta të pandehurit Safet Gjici, me detyrë Kryetar i Bashkisë Kukës dhe se ky i fundit pasi ka përfituar prej saj përfitimin e parregullt, në formën e favorit seksual, ka premtuar/pranuar ta ndihmojë me projektin e saj të mbrojtjes së qenve dhe ta paraqiste më tej në mbledhje të Këshillit Bashkiak të Bashkisë Kukës” thuhej në njoftimin e SPAK.

Safet Gjici, me detyrë në kohën e kryerjes së veprës penale Kryetar i Bashkisë Kukës akuzohet për veprën penale të “Korrupsioni pasiv i funksionarëve të lartë shtetërorë ose i të zgjedhurve vendorë”, të parashikuara nga neni 260 i K. Penal, hetuar me masën e sigurisë “arrest në burg”, parashikuar nga neni 238 i K.Pr.Penale (ekzekutuar në datë 24.06.2023).

Alma Kaçi, e akuzuar për veprën penale të “Korrupsioni aktiv i funksionarëve të lartë shtetërorë ose i të zgjedhurve vendorë”, të parashikuar nga neni 245 i K. Penal, hetuar me masën e sigurisë “arrest në shtëpi”, parashikuar nga neni 237 i K.Pr.Penale (ekzekutuar në datë 24.06.2023).

Prej 24 qershorit 2023, kur dhe u arrestua, Safet Gjici ndodhet në paraburgim, ndërsa Alma Kaçi në arrest shtëpie.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit