POP 5

Lajmet më të lexuara të 5 minutave të fundit

Sociale

Festat kushtojnë më shumë, vëzhgimi i Report TV, bredhi në treg 25-30 mijë lekë! Qytetarët: 50 mijë lekë për pemën e zbukurimet për vitin e ri

Festat e fundvitit identifikohen me bredhin, dritat dhe dekoret në ambientet e shtëpive, zyrave apo bizneseve, të cilat këtë vit kushtojnë më shumë. Një vëzhgim i Report Tv konstatoi se pema e vitit të ri shitet 25 deri në 30 mijë lekë në treg ndërsa bashkë me aksesorët e tjerë çmimi arrin deri në 50 mijë lekë.

Atmosfera e festave të fundvitit ka filluar të ndihet kudo. Më prezente e bëjnë zbukurimet. Në sheshin Skënderbe pema është vendosur. Edhe fshati festiv është gati.

Të shumta janë edhe ato familje që pemën e krishtlindjeve e kanë vendosur në banesa, ndonëse tradita e do me datën 6 dhjetor. Dekori i festave në familje sipas çmimeve që po aplikohen këtë vit, mesatarisht arrin deri në 50 mijë lekë të reja.

Të përfshirë në atmosferën e bukur që sjellin festat, ka edhe nga ata që nuk  kursehen aspak për dekorimet. Kostoja thonë se këtë vit shkon deri në 50 mijë lekë të reja.

“Pema ka kushtuar tek 200 euro. Dekoret 200 plus. Shkon tek 500 mijë lekë. Çmimet janë të shtrenjta për një familje normale”, tha një qytetare.

“Pemën e kisha. Tek 75 mijë lekë të vjetra pema. Dekoret tek 35 mijë lekë. Për ne pensionistët është pak shtrenjta. Marramendëse çmimet. Futesh në dyqane aty ku kemi shkuar, një pemë është 200 e ca mijë lekë. Njerëzit nuk kanë bukë të hanë”, tha një tjetër qytetare.

“Shumë kohë më han dekorimi. I kemi blerë të gjitha sivjet duke qenë se kemi dhe një bebe. Mendoj se i ka blerë më të shtrenjta se vitet e tjera”, tregoi një tjetër.

“E fillojmë me pemën, zbukurimin e shtëpisë, tavolinën e krishtlindjes. Do filloj ta bëj, i kam nxjerrë të gjitha gjërat. I kam pasur të gjitha. Janë grumbulluar ndër vite”, tha një tjetër.

Përveç topave shumëngjyrësh apo dritave, pjesë të zbukurimeve, qytetarët përfshijnë edhe lulet apo aksesorë të tjerë. Por cilat janë tendencat e këtij viti për dekorimet e krishtlindjeve dhe vitit të ri?

“Tendencat e vitit 2024 kanë qenë royal-blue dhe e gjelbërta emerald, por nuk mbeten pas as ngjyrat tradicionale që është kombinimi i të kuqesh me gold. Pëlqehet jashtëzakonisht shumë”, tha një shitëse.

Edhe nga një vëzhgim i Report Tv, një bredh artificial fundviti, pa dekorime dhe me një gjatësi 240 cm shkon deri në 29 mijë lekë të reja.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 06/12/2023 04:23

    Une e kam artificiale, por me pemet e verteta dhe aromen e tyre nuk krahasohen,por dhe ketij problemi ja kane gjetur zgjidhjen-aromatike shtepie,qirinj,dhe ornamente te aromatizuar me arome bredhi.S.d.q,me te lirat tek ne,qe jane te verteta e qe shiten ne supermarkete dhe jane ne gjatesine e nje femije 10-14 vjec nuk kushtojne me shume se 40 $.

    Përgjigju
  • Artur: 05/12/2023 18:47

    Po beje dhe pa peme se nuk u be qameti!

    Përgjigju
    • adi: 05/12/2023 23:42

      Po pse mer lumadh kjo eshte zgjidhja perhere shqiptari klasik se di ju sjeni ne vete: po beje pa peme, po mire haje pa djath, po mire mos bej pushime ik ne durres, po mire kjo po mire ajo. Po pse mer per ca po punojme, nga 2 pune ne disa raste dhe me rroga te mira per te shtyre jeten. Apo pensionistet qe skane buke te hane me 200mij lek pension e ky ja con pagen deputeve 5000 euro ti me flet mua, ste vjen zor. dukesh qe je komplet budall qe nga pergjigja qe jep.

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit