POP 5

Lajmet më të lexuara të 5 minutave të fundit

Kultura

'Humus' i koreografit Julind Dervishi, premierë në TKOB! Trupa e baletit bën thirrje për një planet të pastër

Këtë herë Teatri Kombëtar i Operës dhe Baletit u ka lënë hapësirë krijuese artistëve të rinj. Baleti i titulluar “Humus” me koreografi të Julind Dervishit bën thirrje për një planet të pastër. Premiera do të ngjitet në skenë këtë fundjavë

“Humus”, një shfaqje me 23 balerinë me koreografi të Julind Dervishit do të ngjitet me trupën e baletit të Teatrit Kombëtar të Operës në Tiranë.

Baleti është konceptuar për të shprehur përmes gjuhës së trupit në instalacione koreografike ekspresive dhe dramatike thirrjen për një planet të pastër.

"'Humus' është një balet i frymëzuar rreth natyrës. Është një balet për të mirën që na sjellë natyra dhe për gjërat e këqija që ne i bëjmë. Është dashuria për natyrën dhe për Tokën", thotë koreografi Julind Dervishi.

Në  këtë shfaqje ku do të rrëfehen 24 karaktere do të luajë edhe vetë koreografi Dervishi.

Alisa Gjoni dhe Rovena Shqevi kanë punuar me balerinët, së bashku me bashkëshorten e koreografit, Livia Lara, duke koreografuar idetë e tij.

 “Humus” do të perfomohet  duke kaluar nga muzika konteporane, te ajo klasike, deri në muzikën e një feste të ndezur. 

Performuesit kërcejnë në një tokë të kuqe, simbolikë e gjakut, ku gjithsecili tregon sakrificat, që njerëzit kanë bërë gjithë këto vite.

Ky balet do të ngjitet në skenë si  produksion i Teatrit Kombëtar të Operës dhe Baletit në datat 5 dhe 6 nëntor me synimin që t’ju lërë hapësirë krijuese artistëve të  rinj.

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit