POP 5

Lajmet më të lexuara të 5 minutave të fundit

Kultura

Lajme nga emisionet

Këngëtarja Lazarela Deti rrëfen në ‘Esencë’ sakrificat për të qëndruar në skenë: E lashë shkollën e ndërtimit, s’doja asgjë përveç muzikës

Këtë herë në “Esencë” ishte këngëtarja Lazarela Deti. Kujtimet e një jetë në skenë dhe muzikës si pjesë e pandarë e saj.

Këtë herë në “Esencë” ishte këngëtarja Lazarela Deti. Kujtimet e një jetë në skenë dhe muzikës si pjesë e pandarë e saj. Lidhja e saj me muzikën nis që në fëmijëri kur kujton pjesëmarrjet në festivalet e fëmijëve. Por kjo rrugë nuk ka qenë e lehtë. Përtej talentit asaj i është dashur të kalojë përmes shumë vështirësive, për shkak të atyre që asokohe ishin njolla në biografi. Këto penalizime nuk e kanë lënë këngëtaren të ngjitet në skenë duke bërë që të kalojë në teatrin e kukullave vetëm për të ndjerë këto emocione.

Ajo rrëfen se regjimi e detyroi të ndiqte një shkollë tjetër, që ishte një gjë të cilën nuk donte ta bënte.

“E lashë në mes shkollën e ndërtimit pasi nuk doja të bëja gjë tjetër, përveç muzikës”-rrëfen këngëtarja.

Ajo tregon se shumë prej shfaqjeve të teatrit të Korçës kanë si kolonë zanore zërin e saj. Një jetë e kaluar në skenë me pasionin e saj më të madh muzikën për të cilën ajo thotë se ka mbetur i njëjtë ne vitet. Këngëtarja përmend gjithashtu edhe një pjesë që shpesh anashkalohet me një lloj diplomacie, atë që e quan “luftën brenda llojit” konkurrencën mes artistëve.

“Në skenë të gjithë duan të jenë të parët”, thotë këngëtarja, që nuk u nda për asnjë çast nga skena korçare.

Një surprizë e ngrohtë erdhi për këngëtaren si një videomesazh nga i biri Kosti, njëherësh një prej pianistëve më të talentuar të brezit të tij.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 20/12/2022 20:10

    never heard of ....

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit