POP 5

Lajmet më të lexuara të 5 minutave të fundit

Politikë

Komisioni për shkarkimin e Metës, deputeti i PS-së i vendosur: Jemi të qartë, pavarësisht 'Venecias'

Anëtar i Komisionit Hetimor Adnor Shameti është shprehur se pavarësisht qëndrimit të Komisionit të Venecias lidhur me përplasjet për gjykatën kushtetuese, komisioni hetimor do të vazhdojë punë për hetimin e presidentit Meta. Shameti shton se deri në daljen e raportit përfundimtar nuk duhen bërë interpretime.

Pavarësisht qëndrimit të Komisionit të Venecias lidhur me përplasjet mes parlamentit dhe presidentit për emërimet në Gjykatën Kushtetuese, Komisioni Hetimor do vazhdojë punën për shkarkimin e presidentit Meta.  “Pa diskutim që po, kemi një komision hetimor, jemi brenda afateve që ka përcaktuar Kuvendi i Shqipërisë, në përfundim të administrimit të raportit të komisionit të Venecias do të thërrasim Komisionin Hetimor”, u shpreh Shameti.

Interpretimi i Presidentit për Gjykatën Kushtetuese, i arsyeshëm thuhet në raport ndërsa Këshilli i Emërimeve në Drejtësi ka pasur një sërë mangësish deri tek vendimet që Venecia i quan “të diskutueshme”. Por deputeti Adnor Shameti mendon se duhet ti qëndrohet vetëm variantit përfundimtar.

“Qëndrimi grupit tonë parlamentar ka qenë i qartë që duhet të presim variantin përfundimtar të komisionit të Venecias pastaj të bëjmë komentet tona. Edhe Komisioni Hetimor për hetimin e veprimeve të Presidentit, ju siguroj se pasi të kemi administruar në formatin përfundimtar të Komisionit të Venecias do mbajmë dhe qëndrimin tone”, tha deputeti i PS.

Deputeti i PS shprehet se nuk ka qenë dakord për shtimin e objektit të hetimit, ndonëse u propozua nga shumica qeverisëse. “Unë si anëtar i Komisionit Hetimor kam qenë i qartë e kam parë si shtesë të panevojshme megjithëse vendosëm të ishim transparent, ndërsa me pjesën e parë jam i qartë për qëndrimin që duhet të mbajë komision”,  shtoi Shameti.  Dekreti për betimin e anëtarëve të Gjykatës Kushtetuese është kthyer në një 'mollë sherri' mes Kuvendit dhe Presidencës, aq sa shkoi për opinion në Komisionin e Venecias. Kjo e fundit pritet të thotë fjalën përfundimtare më 22 mars.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit