Kundërpërgjigja, edhe Rusia
dëbon 23 diplomatë britanikë

Kryeministrja Theresa May tha se Britania e Madhe mund të ndërmarrë veprime të tjera kundër Rusisë pas këtij vendimi të Kremlinit.  

“Ne e prisnim një përgjigje të këtij lloji dhe do t’i konsiderojmë hapat tanë në ditët në vijim, së bashku me aleatët dhe partnerët tanë”, - tha May gjatë një forumi të Partisë Konservatore në Londër sot.

Rusia e ka urdhëruar gjithashtu konsullatën britanike në Shën Pjetërburg që të mbyllet dhe i tha  British Council që ta mbyllë punën e tij në vend.

Ministria e Jashtme e Moskës thërriti ambasadorin britanik Laurie Bristow sot për t’i komunikuar për masat si kundërpërgjigje e vendimit të May për dëbimin e 23 diplomatëve rusë nga Londra. Masat janë një përgjigje ndaj “veprimeve provokuese të palës britanike dhe ndaj akuza të pabazuara” kundër Rusisë, u shpreh Ministria e jashtme ruse.

Përballja përshkallëzoi pasi May e akuzoi Moskën të mërkurën për përdorimin “e paligjshëm të forcës” që përfshinte sulmin me gaz nervin të rangut ushtarak dhe urdhëroi dëbimin e numrit më të madh të diplomatëve rusë të 30 viteve të fundit. Ajo prishi gjithashtu të gjitha kontratat e niveleve të larta pas sulmit kimik që helmoi ish-agjentin e dyfishtë të Kremlinit Sergei Skripal dhe të vajzës së tij Yulia në qytetin e Salisbury më 4 mars. Që të dy mbeten në gjendje kritike për jetën.

s.k/Shqiptarja

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë