POP 5

Lajmet më të lexuara të 5 minutave të fundit

Kronikë

Lefter Alla kërkon sërish lirinë në GJKKO për shkak të problemeve shëndetësore: Nuk jam në gjendje të përballoj burgun

Ish kryebashkiaku i Bulqizës, Lefter Alla vijon përpjekjet me drejtësinë për t’u liruar nga qelia, me pretendimin se është sëmurë dhe se qëndrimi prapa hekurave i rrezikon jetën. Report Tv, mëson se ditën e sotme, avokati Allës ka dorëzuar në GJKKO kërkesën për lirimin nga qelia.

TIRANË- Ish kryebashkiaku i Bulqizës, Lefter Alla vijon përpjekjet me drejtësinë për t’u liruar nga qelia, me pretendimin se është sëmurë dhe se qëndrimi prapa hekurave i rrezikon jetën. Gazetarja e Report Tv, Keti Banushi mëson se ditën e sotme, avokati Allës ka dorëzuar në GJKKO kërkesën për lirimin nga qelia, ndërsa kanë bashkangjitur edhe rezultatet e raportit mjekësor. Sipas ekspertëve, Alla ka probleme shëndetësore me zemrën dhe se qëndrimi në qeli nuk është i përshtatshëm për gjendjen e tij.

Sipas avokatit, Hysni Demiraj, i cili i referohet edhe ekspertizës për gjendjen shëndetësore ka rezultuar se Alla nuk është në gjendje të përballojë burgun. Seanca e radhës nga gjykata u la në 29 korrik orën 13:30. Lefter Alla pas arrestimit u shtrua në spitalin e burgut për shkak të problemeve shëndetësore.

Ish-kryebashkiaku i Bulziës, Lefter Alla, u arrestua më 15 mars bashkë me 12 persona të tjerë, 7 prej tyre zyrtarë të bashkisë. Ata ranë në pranga për abuzim me një tender me vlerë rreth 3 milionë euro për ujësjellësin dhe kanalizimet në lagjen e vjetër Bulqizë.

Në pranga ka rënë edhe nënkryetarja e Bashkisë, Enkeleda Lleshi. Arrestimi i tyre është bërë pasi akuzohen se kanë favorizuar të afërmin e Lefter Allës, Aqif Koneshën, i cili ka kryer punimet e ujësjellësit të ri. Më 18 mars, GJKKO caktoi masën e sigurisë ‘arrest me burg’ për kryebashkiakun e Bulqizës, dhe zyrtarët e tjerë të arrestuar. Gjatë dëshmisë së tij, Alla i konsideroi akuzat si sulme politike ndaj tij.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 27/06/2023 01:45

    Vetem me probleme zemre?! Doktoret duhet t'a kishin nxjerre shtatzane sic e nxorri kolegu i tyre ate kengetaren, qe u kap ne kufi me dy pistoleta ne cante,nje te vertete e nje cakmak.

    Përgjigju
  • Ceni: 26/06/2023 14:10

    If can’t do time don’t do crime!!

    Përgjigju
  • Klodi: 26/06/2023 10:36

    Milionat i perballove o hajdut...burgun nuk e perballon dot

    Përgjigju
  • Tutu: 26/06/2023 10:17

    Mos e beje veten per burg o mik… po e dije qe nuk e perballon dot burgun…!!

    Përgjigju
  • Or tej: 26/06/2023 09:59

    Burgu eshte per burra e jo per legena or teeeejjjjj

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit