Mbyllet mandati i KPK-së, ambasada e SHBA-së: Llogaridhënia do të vazhdojë falë punës së shqiptarëve të guximshëm si ju

KPK, shkalla e parë e vettingut, uli siparin pas 7 vitesh punë dhe kalimit të 805 magjistratëve në sitë.

Pas mbylljes së konferencës që u mbajt këtë proces ka reaguar edhe ambasada amerikane në Tiranë. Me anë të një postimi në rrjetet sociale ata kanë shprehur mirënjohje për Komisionerët e KPK-së, Komisionerët Publikë dhe gjyqtarët e Kolegjit të Posaçëm të Apelimit për punën dhe sakrificat që kanë bërë gjatë kësaj periudhe.

“Komisionerët e KPK-së, Komisionerët Publikë dhe gjyqtarët e Kolegjit të Posaçëm të Apelimit kanë bërë sakrifica të mëdha profesionale dhe vetjake, duke marrë vendime të vështira. Ata kanë treguar guxim të jashtëzakonshëm në përballjen me pasojat e këtyre vendimeve të papëlqyeshme, por të nevojshme shkarkimi – dhe unë thjesht dua të shpreh vlerësimin tonë jo vetëm për sakrificat tuaja, por për sakrificat e familjes suaj, sepse ne e kuptojmë se ka pasur presion edhe ndaj tyre…

Populli i Shqipërisë duhet ta dijë se zyrtarët e qeverisë po mbahen përgjegjës çdo ditë dhe se llogaridhënia do të vazhdojë falë punës së shqiptarëve të guximshëm si ju.” - E Ngarkuara me Punë VanHorn në ceremoninë e përmbylljes me sukses të procesit të vetingut nga Komisioni i Pavarur i Kualifikimeve", shkruhet në faqen zyrtare të ambasadës amerikane.

TAG:
• ambasada amerikane
• KPK

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë