POP 5

Lajmet më të lexuara të 5 minutave të fundit

Politikë

Meta pret në presidencë Kirillin, vlerëson Janullatosin

Presidenti Meta, vlerësoi kontributin e përkushtimin ndër vite të Kryepeshkopit të Tiranës, Durrësit dhe të gjithë Shqipërisë, Anastas Janullatos, në funksion të ringritjes kanonike e shpirtërore të Kishës Ortodokse shqiptare
Meta pret në presidencë Kirillin, vlerëson Janullatosin

Kirill dhe Ilir Meta sot ne presidence

Patriarku i Kishës Ortodokse ruse Kirill, gjatë vizitës së tij në vendin tonë është pritur sot në një takim nga President i Republikës Ilir Meta.

 Meta, në kuadër të kësaj vizite, theksoi se roli i besimeve fetare është i pazëvendësueshëm për paqen, bashkëjetesën dhe harmoninë midis popujve dhe kombeve.

Ndërsa Patriarku Rus Kirill shprehu kënaqësi për ndryshimin dhe progresin e madh të Shqipërisë në të gjitha fushat, duke çmuar veçanërisht harmoninë e bashkëjetesën tonë të mrekullueshme fetare dhe punën e shkëlqyer të klerikëve shqiptarë në këtë drejtim.

Kirill gjatë takimit me Metën

Presidenti Meta, vlerësoi kontributin e përkushtimin ndër vite të Kryepeshkopit të Tiranës, Durrësit dhe të gjithë Shqipërisë, Anastas Janullatos, jo vetëm në funksion të ringritjes kanonike e shpirtërore të Kishës, të arsimimit e përgatitjes së brezit të ri të klerikëve shqiptarë, por edhe për lartësimin e besimit e përhapjes së vlerave të patjetërsueshme të harmonisë dhe tolerancës fetare mes shqiptarëve.

Pas takimit me Presidentin Meta Patriarku i Rusisë i është drejtuar Kryeministrisë ku u takua edhe me Kryeministrin e vendit Edi Rama.

Patriarku i Kishës Ortodokse Ruse Kirill në vizitën e tij dy ditore në vendin tonë menjëherë pas mbërritjes në Tiranë ka mbajtur meshë në Katedralen Ortodokse "Ngjallja e Krishtit".

Ndërsa mbrëmjen e djeshme është pritur në një darkë nga familja presidenciale ku të pranishëm ishin klerikë të vendit tonë dhe Ministrja e Kulturës Mirela Kumbaro.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • opinion.: 30/04/2018 14:56

    sa e madhe eshte dashuri vllazeria e ilir metes dhe ps me liderin e tyre gjenetik rusin.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit