POP 5

Lajmet më të lexuara të 5 minutave të fundit

Sociale

Nëna zhvishet në Tik Tok për para, veprime të turpshme në sy të fëmijëve, Sociologia: Modele negative

Pamjet e personazheve të njohur në rrjetin social Tik Tok, po bëhen gjithnjë e më vulgare duke shkuar deri tek pozimet nudo apo pornografi. Skena të tilla, ku nëna zhvishet përpara kamerës dhe përdor fjalor të papërshtatshëm në prani të fëmijës, për qytetarët është e papranueshme, ndërsa sociologët ngrenë alarmin.

Tirane- Për disa para më shumë. I tillë është nudizmi në rrjete sociale, që fatkeqësisht po merr përmasat e një femonemi, nga nëna të cilat e bëjnë në prani të të miturve, në këmbim të një fitimi që në shumë raste nuk i kalon 20 apo 30 dollarë në ditë.

Një skenë e ngjashme ishte mbrëmjen e së dielës gjatë një komunikimi direkt në tik-tok, mes dy personazheve në këtë rrjet social, me qindra-mijëra ndjekës në faqet e tyre.

“Disa e shohin si të vetmen rrugë këtë mënyrë të fituari, ka të tjerë të cilët edhe pse kanë mënyra të tjera e zgjedhin këtë rrugë sepse u duket më e thjeshtë, nuk ka lodhje apo angazhim të madh, sikundër ka dhe të tjerë që nuk marrin parasysh se kanë familje, kanë fëmijën aty” thotë sociologia Entela Binjaku

Gruaja e cila më herët ka qenë pjesë e një “reality show” sillet në banesë, në mënyrë të papërshtatshme edhe pse prezente është edhe vajza e mitur.

“Fëmijët janë ndoshta fasha më delikate e shoqërisë në këtë aspekt, pasi fëmijët mësojnë nga modeli dhe jo nga ajo që u thuhet, përbëjnë problem sepse kur shohin të rritur që pa kurrëfarë droje ekspozohen ndaj fitimit, dhe aty mund tu bëhet një lloj forme ose modeli jo i duhur' thotë Binjaku.

Por, çfarë mendojnë qytetarët?

“Shumë gabim, shumë gabim, është model i keq”

“Janë fare të papranueshme për karakterin dhe moralin e moshës sonë”

Një tjetër kategori prindërish, janë ata që nuk përdorin veten, por përdorin fëmijët për t’u bërë viral në rrjete sociale, me qëllim shtimin e ndjekësve dhe të fitimeve online.

“Çfarë nëne është ajo që nxjerr një fëmijë aty?!” ngre pikëpyetjen një qytetar.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit