Ngjyra dhe muzikë, magjia e ‘Colour Day Festival’

A mendoni se jeta është më e bukur me ngjyra? Nëse po, me siguri keni marrë pjesë edhe ju në festën më të madhe të ngjyrave në Tiranë, nëse jo këto pamje do t’ju bëjnë të ndryshoni mendim. Ngjyrat kanë pushtuar sheshin Nënë Tereza.

"Colour Day Festival" vjen për herë të parë në Shqipëri, një festë, kryefjala e së cilës janë ngjyrat dhe muzika. Këngëtarë dhe DJ të shumtë kanë ndezur atmosferën gjatë kohës që publiku është mbuluar nga pluhurat shumëngjyrësh.

Festivali që të fton të ngjyrosësh ëndrrat është pritur me padurim nga të rinjtë, disa prej të cilëve kanë ardhur enkas nga Kosova për këtë eveniment. Secili prej tyre nuk ka ngurruar të lyhet me pluhurat, duke u përpjekur edhe të krijojnë forma me to.

Dj të famshëm si Dj Sardi,Dj Aldo, Dj Abel, Dj Olti, këngëtarë të mëdhenj si: Elvana Gjata, Alban Skënderaj Capital T, Lumi B, Majk, Gjergj Kacinari etj, kanë ndezur skenën duke bërë publikun të kërcejë nën ritmet e muzikës së lartë.

Nga ora 12 e paradites deri në mesnatë festa dhe ngjyrat nuk kanë ndalur në asnjë moment, duke e bërë atmosferën më shumëngjyrëshe se kurrë. Surprizat në festivalin e ngjyrave nuk kishin të munguar.

Prezenca e disa prej Dj të njohur ndërkombëtarë ishte njoftuar prej ditësh, ndaj Michael Tsaousopulos, George Siras apo dyshja Ace2Ace erdhën nga skenat ndërkombëtare për në sheshin Nënë Tereza. 12 orë argëtim dhe ngjyra u mbyllën me performancën e jashtëzakonshme të Dj Tujamo.

TAG:
• Tirane
• “Colour Day Festival”
• festa e ngjyrave

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë