POP 5

Lajmet më të lexuara të 5 minutave të fundit

Bota

'Nxorri nga xhepi 5 gr kokainë dhe ia dorëzoi vetë policit', arrestohet shqiptari, në kërkim prej 10 vitesh

Një kontroll i organizuar nga shefi i policisë Maurizio Auriemma në Itali, ka bërë të mundur kapjen e një 39-vjeçari shqiptar, i cili ishte në kërkim prej më shumë se 10 vitesh në të gjithë Evropën.

'Nxorri nga xhepi 5 gr kokainë dhe ia dorëzoi vetë policit', arrestohet shqiptari, në kërkim prej 10 vitesh

Një kontroll i organizuar nga shefi i policisë Maurizio Auriemma në Itali, ka bërë të mundur kapjen e një 39-vjeçari shqiptar, i cili ishte në kërkim prej më shumë se 10 vitesh në të gjithë Evropën.

Emri i shtetasit shqiptar nuk është bërë ende i ditur, por në një njoftim për shtyp të Policisë italiane thuhet se kishte arritur të kapte lëvizjet e 39-vjeçarit në disa zona të Shengen me identitete të rreme, por pa arritur që ta kapnin, raportojnë mediat italiane.

39-vjeçari u pikas gjatë një kontrolli rutinë të automjeteve që lëviznin në në zonën e Rifredit, por në një moment të kontrollit shqiptari filloi të shfaqte shenja nervozizmi dhe për të justifikuar shqetësimet e tij gjithnjë e më të dukshëm në sytë e policisë, ai nxori nga xhepi rreth 5 gramë kokainë, duke ia dorëzuar vetë policit para se ai të zbulonte drogën e fshehur në makinë.

Ai ishte dënuar në mungesë për pjesëmarrje në grupe kriminale me qëllim trafikun e lëndëve narkotike, me 8 vite burg. Seksioni Penal i Gjykatës së Firences ka lëshuar një urdhër arresti për 39-vjeçarin.

Mirëpo, agjentët nuk i ranë në sy për arsye se ata i shkuan deri në fund të historisë me një sërë kontrollesh teknike duke u nisur nga i vetmi element që në dokumente nuk mund të ndryshonte në asnjë mënyrë nga realiteti: fotografia në çertifikatën e kartës së identitetit shqiptar.

Intuita e policëve nisi të bëhej gjithnjë e më konkrete pas dyshimeve të para, duke pasur parasysh edhe se kishin kaluar disa vite që nga momenti që ishte bërë ajo fotografi që ishte arkivuar në arkivat e policisë kombëtare dhe ndërkombëtare.

Pas një identifikimi të shqiptarit doli që gjurmët e gishtave konfirmuan se ishte pikërisht personi i kërkuar prej mbi 10 vitesh. Ai tashmë është i burgosur dhe do të qëndrojë për më shumë se 8 vite.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit