POP 5

Lajmet më të lexuara të 5 minutave të fundit

Sport

Orges Shehi prezantohet te Partizani, rikthehet në klub pas 15 vitesh! Trajneri: Rivaliteti me Tiranën, historik

Orges Shehi është trajneri i ri i Partizanit në Superligë. Paraditen e kësaj të mërkure, në ambientet e klubit të kuq është bërë edhe prezantimi i 46-vjeçarit.

TIRANË - Orges Shehi është trajneri i ri i Partizanit në Superligë. Paraditen e kësaj të mërkure, në ambientet e klubit të kuq është bërë edhe prezantimi i 46-vjeçarit.

Përkrah tij ishte drejtori sportiv Arbër Abilaliaj, që bënte edhe rolin e trajnerit në javët e fundit. Pas afro 15 vitesh, Shehi rikthehet te "Demat e Kuq", këtë herë si trajner.

Hera e fundit që durrsaku ishte pjesë e Partizanit ka qenë në 2009, kur la ekipin për të veshur dorezat e Besës, në kohën kur luante ende futboll. Pas largimit me gjyq nga Tirana dhe fitimit të lirisë, tanimë Shehi ka zgjedhur të kalojë te rivalët e bardhebluve, klub me të cilin në 120 ndeshje në drejtim fitoi edhe titullin e Superligës.

Në fjalën e tij, Shehi tha se rivaliteti mes klubeve është historik dhe nuk është ai i pari dhe as i fundit që do kalojë nga Tirana te Partizani, ose anasjelltas.

"Emocionet e kalimit nga Tirana te Partizani? Dihet që ka dozë emocionale, të dyja klubet kanë rivalitet të madh sportiv. Jam i lumtur që po rikthehem te Partizani me objektiva të qarta. Shpresoj që 2024 të jetë një vit i suksesshëm si për mua si për klubin.

Partizani? Trajnerët nuk mendohen gjatë kur vijnë këto oferta, sepse janë klube historike, me ambicie dhe burime njerëzore që synojnë lart. Jemi profesionistë dhe secili e gjykon sipas këndvështrimit të vet. Nuk jam as i pari as i fundit që e bën këtë gjë. Vlerësimi mbetet maksimal. Ndarja me Tiranën? Çdo gjë, siç e shoh unë të jetë profesionale dhe jo personale", tha Shehi mes të tjerash.

Orges Shehi te Partizani

Për afrimin e Shehit, drejtori sportiv Arbër Abilaliaj tha se kjo nuk ishte një gjë e lehtë.

"Nuk ishte e lehtë që Shehi të ishte këtu, por pasi u zgjidhën problematikat me ish-ekipin e tij, tanimë është më e lehtë dhe jemi të kënaqur ta kemi këtu", tha mes të tjerash Abilaliaj.

S.Dh/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit