POP 5

Lajmet më të lexuara të 5 minutave të fundit

Politikë

Pasi kthehet nga SHBA, Tabaku tryezë diskutimi për pr/ligjin për zonat e mbrojtura

Pas kthimit nga vizita në SHBA, Jorida Tabaku organizoi një tryezë për të ndaluar projektligjin e PS për zonat e mbrojtura. Në mungesë të kolegëve opozitarë, që ndodhen prej muajsh në aksion, Tabaku thirri për diskutim shoqatat dhe u kërkoi të gjejnë rrugën për të ndaluar projektligjin që i hap rrugë ndërtimit për qëllim turizmi në këto zona.

Ndryshe nga kolegu i saj Gazment Bardhi, që pas kthimit nga SHBA shkoi poshtë Ballkonit të Sali Berishës, Jorida Tabaku duket se e ka kuptuar më mirë mesazhin e Shteteve të Bashkuara.

Menjëherë pas vizitës në Departamentin e Shtetit, deputetja demokrate organizoi një tryezë për të kundërshtuar një nga nismat e fundit të PS, projektligjin për zonat e mbrojtura.

Në mungesë të kolegëve të saj opozitarë, që e kanë braktisur jetën normale të Kuvendit e ndodhen në aksion, Tabaku thirri shoqatat për të diskutuar me ta rrugën se si do t’i imponohet socialistëve për ta ndalur këtë projektligj.

Propozimet e mazhorancës për zonat e mbrojtura sjellë nga disa deputetë të saj është kurthi procedural që qeveria përdor shpesh për të nxjerrë gështenjat me duart e të tjerëve. Falë presionit së pari tuajin dhe më tej dhe faktorit ndërkombëtar kjo çështje duket se po shtyhet pak në kohë. Të shohim nëse ia dalim me sukses. Qartësisht mazhoranca ka një përpjekje të qartë për të ndërtuar në këto zona të mbrojtura dhe për këtë ka një përgatitje për të shtyrë për herë të pestë Ligjin e Investimeve Strategjike. Ndaj nuk është urtësi që të ndërtohet strategjikisht, të hidhet beton në këto zona, përkundrazi duhen mbrojtur për të ndihmuar akoma më shumë”

Prej kohës kur Lulzim Basha e Gazment Bardhi nisën divorcin politik, Tabaku u rreshtua krah këtij të fundit, por nuk iu bashkua në asnjë moment mbledhjeve të Bardhit me grupin e Rithemelimit. Madje Tabaku, ndonëse i quan të drejta kërkesat e opozitës, nuk është bashkuar as aksionit të saj të kaosit në parlament.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit