POP 5

Lajmet më të lexuara të 5 minutave të fundit

Kronikë

Tiranë/ Skela ra nga kati i 13-të zuri poshtë dy kalimtarë, arrestohet inxhinieri dhe 2 punëtorët e firmës së pallatit në ndërtim (EMRAT)

Shërbimet e Komisariatit nr.2 në kanë arrestuar dy punëtorët dhe inxhinierin e pallatit të kompanisë Arlis sh.p.k për ngjarjen e ndodhur mëngjesin e ditës së djeshme në bulevardin "Gjergj Fishta" ku 2 kalimtarë të rastit mbetën të plagosur si pasojë e rrëzimit të skelave të pallatit në ndërtim.

TIRANË- Hysen Lavdari 72 vjeç ndodhet ende në spitalin e Traumës, nën kujdesin e mjekëve. Skela u shkëput nga pallati në ndërtim dhe i ra sipër teksa ishte duke ecur në trotuar, paraditen e së hënës, 22 janar 2024, kur ndodhi incidenti i rëndë . Gruaja 38-vjeçare, Imelda Shkëmbi, gjithashtu kalimtare e rastësishme që u lëndua nga skela, ka lënë spitalin.

Policia e Tiranës vlerëson se në pallatin në ndërtim nga firma “Arlis” nuk janë respektuar rregullat e sigurimit teknik në punë. Mbi këtë argument efektivët e komisariatit numër 2 arrestuan 3 persona, të punësuar në firmën që kryente punimet për ndërtimin e këtij pallati: Zef Kalaj, inxhinier, Elton Osmanllari sipërmarrës dhe Erjon Kanto punëtor ndërtimi.

Të arrestuarit akuzohen se kanë shkelur rregullat e mbrojtjes në punë. Dy punëtorët kanë qenë ne skelë duke punuar kur u kanë rënë nga duart shufrat metalike dhe elementë të tjerë ndërtimi që ndikuan në rrëzimin e skelës. Ndërsa inxhinieri akuzohet se nuk ka ndjekur punimet dhe nuk ka monitoruar masat për mbrojtjen në punë.

Blutë e kryeqytetit sqarojnë se skela metalike ra nga kati i 13-të i pallatit në ndërtim në bulevardin “Gjergj Fishta”

Nga një vëzhgim që Report Tv kreu pranë pallatit në ndërtim, ra në sy se një tabelë e vetme që paralajmëron rrezikun nga punimet, nuk shikohet në pjesën e trotuarit ku ecnin 2 kalimtarët, pasi objekti me leje ndërtimi të miratuar në vitin 2022, është në kryqëzim.

B.V/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit