Revolucion i transportit publik, fillojnë testet e para të taksive fluturuese në Kaliforni

Larg fotografive dhe kamerave, kanë filluar në veri të Kalifornisë testet e para për taksitë fluturuese që do të mundësojnë një revolucion në transportin publik nëpër qytete.

Elektrike dhe jo të zhurmshme, do të ngrihen në fluturim në mënyrë vertikale, mund të mbajnë deri në katër pasagjerë dhe të kryejnë më shumë se 200 kilometra vetëm me një karikim.

Këto modele i ka krijuar kompania “Joby Aviation”, që ka prezantuar progreset e bëra nëpër testet me teknologjitë e “National Instruments” me rastin e “NI Week”, eventi i madh që çdo vit mbledh mijëra inxhinierë dhe ekspertë nga e gjithë bota në Austin, Teksas.

“Objektivi ynë është që të projektohet, prodhohet dhe menaxhohet një mjet fluturues për transportin publik që të jetë i efektshëm, i sigurtë dhe i besueshëm”, shpjegon Santiago Morales, krye-inxhinieri i integrimit të sitemeve dhe testeve tek “Joby Aviation”.

“Ky është çasti ideal për ta realizuar, sepse kemi të gjitha teknologjitë e nevojshme. Bateri elektrike me rezistencë të lartë, motorë elektrikë të vegjël dhe të fuqishëm, fuqi punëtore të përshtatshme dhe materiale rezistentë dhe të lehtë”, theksoi ai.

TAG:
• Taksi fluturuese
• Revolucion teknologjik

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë