POP 5

Lajmet më të lexuara të 5 minutave të fundit

Politikë

Vettingu në politikë, Basha: Rrëzon murin e korrupsionit që vret demokracinë! I hap rrugën Shqipërisë drejt BE

Vettingu i politikanëve është një nga shtyllat kryesore ku po përqendrohet aksioni i opozitës . Për këtë Lulzim Basha ka vendosur që çdo mëngjes të flasë për vettingun në politikë dhe se të theksojë nivelin e korrupsionit në vend, ku premton se përmes propozimeve të tij për pastrimin e klasës politike kjo do të marrë fund.

Vettingu në politikë, Basha: Rrëzon murin e korrupsionit që vret demokracinë! I hap rrugën Shqipërisë drejt BE

Vettingu i politikanëve është një nga shtyllat kryesore ku po përqendrohet aksioni i opozitës . Për këtë Lulzim Basha ka vendosur që çdo mëngjes të flasë për vettingun në politikë dhe se të theksojë nivelin e korrupsionit në vend, ku premton se përmes propozimeve të tij për pastrimin e klasës politike kjo do të marrë fund.

Sipas Bashës, Shqipëria është vendi i parë në Europë për korrupsionin në nivelet qeverisës dhe se vettingu në politikë do i jap zgjidhje këtij problemi që po cenon sigurinë dhe demokracinë në vend.

"Që të mos jemi të parët në Europë për përhapjen e korrupsionit në të gjitha nivelet e qeverisjes dhe të dytët në botë për ryshfetin, Shqipëria ka nevojë për vetting në politikë. Rrëzimi i murit të korrupsionit, si pengesa që varfëron familjet shqiptare, cënon rendin & sigurinë dhe vret demokracinë, do çlirojë potencialin e jashtëzakonshëm të Shqipërisë dhe do të hapë rrugën drejt BE-së", shkruan Basha.

Megjithatë ky mesazh i Bashës duket se nuk adresohet vetëm për qeverinë por edhe për Sali Berishën, i cili është shpallur 'Non Grata' nga SHBA-ja për korrupsion të lartë dhe minimin e demokracisë.

Për pastrimin e politikës, Basha kërkon vetting për politikanët, ku pas dorëzimit të amendamentit në Kuvend diskutimet mes pozitës dhe opozitës po zhvillohen në Këshillin e Legjislacionit lidhur më këtë propozim. Kjo nismë është e ngjashme me vitin 2018, që u kritikua dhe u hodh poshtë nga Komisioni i Venecias, duke vënë në diskutim vlerën e propozimit dhe theksuar rrezikun për shkeljen e të drejtave të themelore. Po Basha ka bërë disa ndryshime në nisëm e 2018 dhe e ka propozuar sërish si pjesë e ndryshimeve Kushtetuese që propozon PD-ja.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Endri: 14/11/2021 10:31

    Te qeshesh a te qadh kur degjon te flase per veting njeriu qe e ka shtyre me raporte mjekesore per t’i shpetuar gjyqit. Sa gjynahe ke ti mer hajdut. Mjer PD me ke perfaqesohet se sa per KM nuk behesh ndinjehere ti

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit