POP 5

Lajmet më të lexuara të 5 minutave të fundit

Kronikë

Vranë taksistin se i ngacmoi motrën dhe nënën, burg për dy vëllezërit Shera

Sajmir dhe Arsil Shera dy vëllezërit e arrestuar tre ditë më parë për vrasjen e Abdulla Budllës 71 vjeçarit, do të qëndrojnë në burg. Me akuzën e vrasjes së kryer në bashkëpunim me paramendim dy të rinjtë kanë pranuar krimin duke thënë se gjithçka e bënë pasi Budlla i kish poshtëruar duke mbajtur lidhjen intime me nënë e tyre dhe i kish ngacmuar edhe motrën.

Vranë taksistin se i ngacmoi motrën dhe nënën, burg për dy vëllezërit Shera

Autorët Arsil dhe Saimir Shera

Sajmir dhe Arsil Shera dy vëllezërit e arrestuar tre ditë më parë për vrasjen e Abdulla Budllës 71 vjeçarit, do të qëndrojnë në burg. Me akuzën e vrasjes së kryer në bashkëpunim me paramendim dy të rinjtë kanë pranuar krimin duke thënë se gjithçka e bënë pasi Budlla i kish poshtëruar duke mbajtur lidhjen intime me nënë e tyre dhe i kish ngacmuar edhe motrën.

Me një mjet të marrë me qira në biznesin e Gersian Celës dy vëllezërit pasditen e tre gushtit mbërritën në Fushë Prezë ku Budlla punonte si taksist dhe e vranë. Arrest në burg gjykata caktoi edhe për Çelën ndaj të cilit rëndon akuza e posedimit dhe trafikimit të drogës, pasi gjatë kontrollit për kapjen e mjetit të krimit GOLF 5 policia i gjeti Çelës edhe 60 g kokainë.

Vëllezërit Shera kanë pranuar autorësinë e vrasjes së 71-vjeçarit Abdulla Budllës duke thënë se e kanë bërë për të ruajtur nderin e familjes, pasi viktima i ngacmonte nënën dhe motrën. Për të njëjtën arsye vëllezërit Shera ishin konfliktuar dhe më parë me viktimën, por sipas tyre ai vijonte t'i ngacmonte familjarët e tyre.  

71-vjeçari Abdulla Budlla u ekzekutua me 7 plumba me 3 gusht, ndërsa autorësinë e vrasjes e mori përsipër vëllai i madh Sajmir Shera, i cili tha se ka qenë ai që ka qëlluar me breshëri kallashnikovi ndaj 71-vjeçarit, ndërsa vëllai i tij ka luajtur rolin e shoferit.

30-vjeçari është shprehur se për të mos lënë gjurmë kallashnikovin e kishte futur që gëzhojat të mbeteshin aty dhe jo në vend ngjarje teksa shtoi se pas ngjarjes armën e ka hedhur në një kamion skrapi në Fushë Krujë.  

Para seanca së sotme është edhe Gresian Çelës, i cili i kishte dhënë me qira makinën vëllezërve. Ai është arrestuar pasi në biznesin e tij iu gjetën armë zjarri dhe drogë, ndërsa në lidhje me ekzekutimin e aksistit, Cela është shprehur se nuk ka dijeni për ngjarjen.

Viktima Abdulla Budlla 

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 08/08/2020 17:31

    Të mjerët , për fjalë goje tani do kalben në burg . Tmerr !

    Përgjigju
    • Emigranti: 09/08/2020 18:17

      Mendoj se nuk kane patur mundesi tjeter me kete qelbesire. Mire kane bere!

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit