POP 5

Lajmet më të lexuara të 5 minutave të fundit

Politikë

Zgjedhjet e pjesshme vendore, kandidati i PD në Lushnjë: Eriselda Sefa s'është alternativë e re për qytetarët, por vazhdim i grupimit që mbrojnë korrupsionin

Sefa përmes një statusi në rrjete sociale, shkruan se në vend që të vijë vërdallë në Lushnjë dhe të tregojë barcaleta, Taulant Balla dhe kandidatja e tij në këtë bashki duhet t’u kërkonte ndjesë qytetarëve lushnjarë për vjedhjen dhe korrupsionin prej 15 vitesh.

Zgjedhjet e pjesshme vendore, kandidati i PD në Lushnjë: Eriselda Sefa s'është alternativë e re për qytetarët, por vazhdim i grupimit që mbrojnë korrupsionin

Kandidati i PD në Lushnjë, Indrit Sefa

Kandidati i Partisë Demokratike për zgjedhjet e pjesshme të 6 marsit në Lushnjë, Indrit Sefa, ka akuzuar kandidaten e PS, Eriselda Sefën dhe Taulant Ballën, si njerëz që mbrojnë korrupsionin, dhe jo si një alternativë e re për qytetarët.

“Bashkia Lushnjë është sot skenë krimi për shkak të Taulant Ballës, Eriselda Sefës dhe Partisë Socialiste. Të nisësh fushatën për të kërkuar besimin e qytetarëve të Lushnjes për të drejtuar punët e qytetit pa u distancuar nga korrupsioni dhe vjedhja në Bashkinë Lushnjë, është provë e qartë se janë bashkëpërgjegjës, janë peng të vjedhjes dhe abuzimit me besimin e qytetarëve.” – shprehet Sefa.

Sefa përmes një statusi në rrjete sociale, shkruan se në vend që të vijë vërdallë në Lushnjë dhe të tregojë barcaleta, Taulant Balla dhe kandidatja e tij në këtë bashki duhet t’u kërkonte ndjesë qytetarëve lushnjarë për vjedhjen dhe korrupsionin prej 15 vitesh.

“Ndjesa e munguar për qytetarët e Lushnjës është shenjë e qartë e arrogancës, mosmirënjohjes dhe sjelljes si pushtues me bashkëqytetarët e tyre. Lushnjarët nuk janë pronë e askujt, ndërsa Lushnja është pronë e qytetarëve të saj.” – shprehet Sefa.

Ndër të tjera, Indrit Sefa thotë se më 6 mars, ditë kur do të mbahen zgjedhjet e pjesshme, qytetarët kanë shansin të heqinin shiritin ‘skenë krimi’ nga Bashkia Lushnjë dhe t’ja kthejnë bashkinë qytetarëve.

“Qytetarët e Lushnjës në 6 Mars kanë shansin të heqin shiritin skenë krimi nga Bashkia Lushnjë dhe t’i kthejnë bashkinë qytetarëve. Eriselda Sefa nuk është alternativë e re për qytetarët. Ajo është vazhdim i të njëjtit grupim, që kërkon ta mbajë Bashkinë Lushnjë skenë krimi edhe për më gjatë.”-shprehet Sefa.

Zgjedhjet e pjesshme vendore do të zhvillohen për bashkitë Shkodër, Durrës, Dibër, Rrogozhinë, Vorë dhe Lushnjë më datën 6 mars. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit