POP 5

Lajmet më të lexuara të 5 minutave të fundit

Kronikë

Hodhën tymuese drejt kryeministrisë, zbardhet dëshmia e protestuesve të Berishës: Për këtë erdhëm, jo për shëtitje

Është zbardhur dëshmia e tre personave të shoqëruar në polici për incidentet në protestën e ditës së djeshme. Burime për Report Tv bëjmë me dije se protestuesit kanë deklaruar se kanë shkuar në tubim për atë qëllim, duke konsideruar se protesta e tillë është, jo vetëm për të shëtitur.

Hodhën tymuese drejt kryeministrisë, zbardhet dëshmia e protestuesve të Berishës: Për këtë erdhëm, jo për shëtitje

Protestuesit hedhin tymuese dhe kapsolle drejt kryeministrisë

Është zbardhur dëshmia e tre personave të shoqëruar në polici për incidentet në protestën e ditës së djeshme. Burime për Report Tv bëjmë me dije se protestuesit kanë deklaruar se kanë shkuar në tubim për atë qëllim, duke konsideruar se protesta e tillë është, jo vetëm për të shëtitur.

Dy prej protestuesve që u vunë nën hetim për prishje të qetësisë publike dhe shkelje të rregullve mbi lëndët plasëse deklaruan në polici se hedhja e tymueseve dhe kapsolleve në drejtim ishte akt proteste.

“Kjo ishte arsyeja përse u mblodhëm në shesh, nuk ishim për të shëtitur”, mësohet të kenë thënë protestuesit.

Mes personave të vënë nën hetim është edhe 21 vjeçari nga Durrësi i cili ishte veshur një uniformë policie dhe po qëndronte në afërsi të dy kullave. Ai u pikas në protestë teksa qëndronte në afërsi të  dy kullave, i veshur me uniformë policie me logo e stema të vjetra, e cila nuk përdoret aktualisht nga shërbimet e Policisë. Ai u shpreh se nuk kishte pasur qëllim të keqpërdorte veshjen e tij, duke rrëfyer se kishte dëshirë të ishte polic. 

Ditën e djeshme protesta e opozitës e thirrur nga ish kryeministri Sali Berisha, zgjati për rreth 3 orë në bulevardin ‘Dëshmorët e Kombit’ dhe pas mbylljes protestuesit hodhën kapsolla, flakadanë dhe zhurmues drejt godinës së kryeministrisë.

Pasi përfundoi fjalimin e tij para protestuesve, i shoëruar nga rreth 50 persona Berisha u nis në një ‘marshim’ drejt parlamentit, ministrisë së Brendshme, Bashkisë së Tiranës dhe selisë e PS.

1500 ishin forcat e policisë të angazhuara për të ruajtur rendin dhe sigurinë në protestë, ndërkohë që si zakonisht ishin marrë masa përforcuese në institucionin e Kryeministrisë dhe Kryesisë së Kuvendit përballë. Mazhorana ironizoi protestën e djeshme, ndërkohë i vetmi reagim i kryeministrit Rama ka qenë një video e postuar në facebook duke bërë poçe balte. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cubi: 12/02/2023 18:30

    Mjeran jan bere per tu qar hallin. Shkojn pas legenit e sdin ca bejn.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit