POP 5

Lajmet më të lexuara të 5 minutave të fundit

Politikë

Debat për Kosovën në Kuvend, Berisha kërkon mobilizim! ‘Butrinti’ në Kushtetuese, ish kryeministri: Aferë me Amerikanët

Sali Berisha ka përshëndetur vendimin e Albin Kurtit për të mos e takuar Edi Ramën për të diskutuar mbi krizën dhe tensionet. Në mbledhjen e grupit parlamentar ai ndau porositë për seancën e së enjtes, ku çështja e Kosovës duket se do të jetë beteja kryesore

Sali Berisha paralajmëroi një seancë të gjatë këtë të enjte, teksa në mbledhjen e grupit parlamentar kërkoi sulm.

Kosova duket se do të jetë në krye të porosive të Sali Berishës. Teksa ripërsëriti akuzat ndaj Ramës si argat i Vuçiçit, ai përgëzoi Albin Kurtin për refuzimin që i bëri takimit me Kryeministrin shqiptar.

 “PD përgëzon refuzimin nga autoritetet e Kosovës për të diskutuar me Edi Ramën projektin e Vuçiçit, njësoj siç bëri me hartat e ndarjes së Kosovës”- tha ai.

Mobilizim të veçantë Berisha kërkoi për Denar Bibën, kreun e Autoritetit të Konkurrencës, i cili do të raportojë para ligjvënësve.

“Nesër vjen para jush Denar Biba. Ky është një njeri që e vunë në krye të prokurimeve. Ky vendin e ka vetëm në burg. Ky e ka asgjësuar këtë autoritet. Edhe këtu nuk duhet të kurseheni?”- tha Berisha.

Porosi për deputetët e tij, Berisha e kishte për diskutime të forta edhe për raportin e Departamentit të Administratës publike.

“Ky shërbim ka marrë fund. Punonjësit e administratës u shndërruan në një polici politike terrorizuese për qytetarët. Kërcënonin se do të bëjmë copa-copa po nuk votove për ne”- vijoi ai.

Aferë të tmerrshme e cilësoi ish Kryeministri marrëveshjen për menaxhimin e Parkut të Butrintit, që do të shqyrtohet të enjten në Gjykatën Kushtetuese. Berisha akuzoi për përfshirje edhe amerikanët.

 “Aferë të tmerrshme në të cilën shkatërrohet Parku Kombëtar i Butrintit, mafia shqiptare merr 800 hektarë. E tëra sipas një projekti të paramenduar në këtë mënyrë dhe për fatin më të keq i implikuar këtu fund e krye është Fondacioni Shqiptaro-Amerikan”.- vazhdoi ai.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hajdar Hyseni: 15/06/2023 11:58

    Pa u mobilizuar Sali Berisha me familjen e tij ne lufte pa qene ai ne krye atehere do te mobilizohemi te gjithe

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit