POP 5

Lajmet më të lexuara të 5 minutave të fundit

Kronikë

Vdekja e të burgosurit shqiptar, zv.drejtori i burgut në Idrizov: Gjykata vendosi të lirohej, por prokuroria e kundërshtoi! I është dhënë çdo ditë ndihma mjekësore

 

Zv.drejtori i burgut në Idrizov në Maqedoni të Veriut, Femi Jonuzi, ku humbi jetën i burgosuri shqiptar Azbi Kaba, në një lidhje për Report Tv tha se atij i ishte dhënë ndihma mjekësore. Sipa Jonuzit, shqiptari ishte dërguar disa herë në spital dhe çdo ditë i jepej ndihmë, ndërsa theksoi se i ishte dërguar edhe kërkesë gjykatës për ta liruar, por vendimi u kundërshtua nga prokuroria.

"Jemi munduar, e kemi njoftuar gjykatën që t'i ndërpritej dënimi dhe Gjykata solli vendimin, por u ankua prokurori dhe ende nuk kemi përgjigje. Është dërguar në spital, me udhëzim të mjekut të burgut dhe çdo ditë i është dhënë ndihma e shpejtë për t'i bërë trajtim. Edhe dje ka qenë në spital dhe pasi e kanë sjellë në burg, rreth mesnatës ka ndërruar jetë. E kemi dërguar në spital me dhjetëra herë për mjekim. Ishte dënuar me 7 vite. Kushtet në burg janë të njëjta si për të gjithë të burgosurit në këtë burg. Ne i bëmë përpjekjet që ai të lirohej dhe Gjykata e dha vendimin për ndërprerjen e dënimit, por pas ankesës së prokurorisë, nuk na erdhi më përgjigje dhe nuk u lirua. Kemi komunikuar edhe me konsullin shqiptar, e kemi vizituar", tha ai.

Pretendimet e zv.drejtorit të burgut i kundërshtojnë të burgosur në Idrizov, të cilët shkruajnë në 'Report Tv' se 47-vjeçarit nuk i është dhënë asnjë ndihmë mjekësore. Sipas tyre, është e vërtet që ishte bërë kërkesë për lirimin nga qelia të Azbi Kabës, por se atij i mungonte kujdesi mjekësor dhe nuk ishte dërguar në spital. 


Lajmi kryesor:

E rëndë/ Humb jetën i burgosuri shqiptar në Maqedoninë e Veriut, vuante nga kanceri prej muajsh! Zv.ministri i Drejtësisë, Nuhiu: Kërkuam lirimin e Azbi kabës, s’na e pranuan
/Shqiptarja.com
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit